Lurraren iratzartzea, loratzea, ospatuko dute Abadiñon asteburuan. Anbotoko Damaren deiari erantzunez, mitiñoek jentilak esnatuko dituzte, elkarregaz Kokomarro eta kokilak herritik kanporatzeko. Inauteria ospatzeko, arropa zaharrak eta 'inua' koloretsua janztera deitu dituzte abadiñarrak. Gontzal Royuela eta Amaia Azkarate kalera irtengo diren mitiñoetariko bi dira. Abestia eta dantza ere sortu dute.

Ezagunak dira Zaldaik Iurretan antolatzen dituen Mendi Martxa eta baita Mendi Erronka ere. Mende laurdeneko bidea eginda, gaur egun taldearen gidaritzan dabiltzanek sortzaileak omendu dituzte. Modu boluntarioan ekimena martxan ipini zuten kideetariko bi dira Ainhoa Brabo Ibarra (Iurreta, 1975) eta Iban Uribetxebarria Legorburu (Durango, 1980).