Aitor Arkarazok (Abadiño, 2000) eta John Plazak (Durango, 2000) ogibidea ez ezik sukaldaritzagazko zaletasuna ere partekatzen dute. Biak ingeniariak dira eta orain urtebete Boletus al gusto sortu zuten, esperientzia gastronomikoak partekatzeko proiektua (@boletus_al_gusto).

Maider Realek (Zornotza, 1984) Something Special sortu zuen orain 12 urte. Bilbon 11 urteko ibilbidea egin ondoren, iaz norabide aldaketa bat egin eta tailerra zabaldu zuen Zornotzan, autoak konpontzeko garaje bat eraberrituta. Horrek familiagaz eta lanagaz disfrutatzeko aukera eman dio eta sortzen diren beharrizanetara egokitzea du erronka: "Pertsona eta sortzaile legez hazten eta garatzen jarraitzea". Pasioz berba egiten du antzinako alfonbra berbereez.