Gaur aurkeztu dute 59. Durangoko Azokaren egitaraua. 933 nobedade eta 200 ekitaldi egongo dira. Abenduaren 5etik 8ra garatuko da Durangoko Azoka. "Deialdi berezia egin gura diegu zaleei, kultur sistema osasuntsu baterako ezinbestekoak direlako", azaldu du Beñat Gaztelurrutia Gerediaga elkarteko kudeatzaileak. Alboan izan ditu guneetako arduradunak: Izaskun Ellakuriaga (Talaia), Irati Agorria (Irudienea), Diana Franco (Kabia), Itxasne Arabiourrutia (Saguganbara), Maider Larrañaga (Szenatokia) eta Aitor Agiriano (Azoka telebista). 

Pinturaren BMW Sariaren 39. edizioa Durangaldera ekarri du Damaris Pan mallabiarak; 'All monsters are human II' lanagaz irabazi du saria.