Eusfera umeen ingurunea euskalduntzea helburu duen ekimena da, gurasoak eta hurbileko komunitatea aktibatuta. 12 urtera arteko haurren eguneroko hartu-eman esparruetan euskararen erabilera indartzea bilatzen du, eskolatik harago ere eraginez. Durangon elkarte, ikastetxe eta eragile askok bat egingo dute ekimenagaz. Berbaro Euskara Elkarteak hartu du Eusfera bultzatzeko ardura, eta Pello Zabarte Narbaiza (Zaldibar, 1997) da bertako arduraduna. Itxaso Altuna Marina (Durango, 1986) Kurutziaga Ikastolako euskara taldeko kidea da eta ikastetxeen inplikazioa azaldu du.

Familiei zuzenduta, Berbaro euskara elkarteak jarduera bi antolatu ditu Eusferako egunetarako. Durangon izango da. Lehenengo hitzordua maiatzaren 10eko mendi irteera da.