Miren Eguenek (Abadiño, 1973) eta Gorka Iturriagak (Abadiño, 1977) orain 11 urte zabaldu zuten Schmidt, eta beste horrenbeste urte daramatzate, 11, ANBOTOren proiektua sostengatzen, bertan publizitatea ipinita eta Anbotokide izanda. Euren berbetan, ANBOTOn euren iragarkia agertzeak konfiantza ematen die bezeroei.

ANBOTOren proiektua babesteko modu bat bertan publizitatea ipintzea da. Bada, Lorena Porras Velascok (Otxandio, 1981) eta Vanesa Delgado Gonzalezek (Durango, 1980) hautu hori egin zuten orain 15 urte. Badira ia hamarkada bi Iurretan Gau Argi taberna zabaldu zutela, eta euren ustez merkatari, ostalari eta bestelako eragileen arteko elkarlana ezinbestekoa da herria bizirik mantentzeko; tartean, ANBOTO Komunikabideak babestea. Ostalari bien berbetan, ANBOTO bitarteko ezin hobea da Iurretan eta oro har Durangaldean presente egoteko.