Banartek bi emanaldi eskainiko ditu ikasturteko lanaren emaitza erakusteko. Lehena, Abadiñoko Errota kultur etxean izango da, bariku honetan, 20:00etan; bigarrena, ostera, Berrizko kultur etxean izango da, hilaren 16an, 19:00etan. 

Ekainaren 24an egingo dute Koba Live jaialdiaren bigarren edizioa Abadiñon. "Jaialdia beste maila batera igotzen" saiatu dira antolatzaileak, Sugaar elkarteko kidea den Sergio Correaren arabera. Primal Fear, Angelus Apatrida, El Altar del Holocausto, Blackhearth, Mosh eta Sweet Rage taldeek eskainiko dituzte kontzertuak, 17:00eatik aurrera. Sugaar elkarteak eta Abadiñoko Udalak antolatu dute jaialdia, elkarlanean; sarrera doakoa izango da.