Zornotzako Jan Alai pintxo lehiaketa bueltan dator hiru urteko isilunea eta gero. Aurten 16 pintxo eta 16 taberna lehiatuko dira nor baino nor. Txapelketa urriaren 6tik 9ra jokatuko da. Pintxorik berritzaileenaren saria eta zerbitzaririk profesionalenaren saria egongo dira besteak beste. 

Asier Quintana diseinatzaile zornotzarra lehenengo pausoak ematen dabil modaren industrian. Ikasketak Kopenhagen (Danimarka) egin ditu eta orain sektore horretan dabil lanean. Bere master amaierako proiektuko kolekzioa Vogue aldizkari ezagunean kaleratu dute. Errekonozimendu handia hasiberria den sortzaile batentzat.