Cassandra II lanagaz Fernando de Vicente Garridok irabazi du Durangoko XXVI. Pintura Lehiaketako lehenengo saria; bigarren saria Gonzalo Romerok irabazi du El rebaño lanagatik, eta hirugarrena, ostera, Visi Rodriguezek, Itxaropena lanagaz. Azuzena Fernandezek, Mari Luz Martinezek eta Nora Aranak tokiko sariak jaso zituzten. Aurten 56 lan aurkeztu dira, eta ia 900 bisitari jaso ditu Ezkurdiko udal aretoan.
Durangaldeko Artisten Elkarteak antolaturiko lehiaketa klasikoan aurkezturiko lanen ia erdiak, 27, eskualdeko egileenak ziren; horien ia erdiak, %43, ostera, emakumeek egindakoak zirne. Sari banaketa ekitaldian Jose Luis Martinez de Antoñana ere gogoratu zuten. Elkartearen sortzaileetako bat izan zen, eta bi hamarkada baino gehiagoz aritu zen presidente lanetan.