"Jaialdiaren helburua multimedia munduaren zaleentzat parte hartze formula berria zabaltzea da, lantaldeak sortuta eta teknologia berriak erabilita. Sormenak, originaltasunak, ideia trebetasunak eta istorioen osaketak emaitza liluragarria eskaintzen dute beti", azaldu dute antolatzaileek. Iaz, adibidez, gaia oporrak izan ziren, erabili beharreko objektua pila, eta aipatu beharreko esaldia "Lagun onekin orduak labur".
Lanak zapatuan erakutsiko dituzte, azaroak 7, 20:00etan, Arriolan bertan egingo duten galan. Hiru sari banatuko dituzte bertan; talde irabazleak 700 euro poltsikoratuko ditu, eta beste talde finalista biek 500 euroko sari bana eramango dute. Informazio gehiagorako eta izena emateko, 24ordu@ arriolaka.com helbidera idatzi daiteke. Parte hartzaileek formatu digitalean aurkeztu beharko dute lana.