Durangok haur minbiziaren kontrako Gu be zuek gara jaialdi solidarioa hartuko du maiatzaren 12an. Jaia La Cuadri del Hospi elkarteak antolatu du udalaren eta herriko klub, ikastetxe eta elkarteen auzolanagaz. "Super deialdi bat egin gura dugu Durangoko kaleak marea urdin batekin betetzeko", esan dute. "Gainditu dezagun minbizia denok elkarrekin". 

Frankismoan Abadiñon izan zen Auxilio Social barnetegia ikertzeagatik jaso du Marta Calvo durangarrak Gazte Ikerlarien Sarietako irabazleak. Gerediaga Elkarteak Durangaldeko ondarea, historia, kultura eta gizartearen zaintza, ikerketa eta zabalpenarekiko zaletasuna eskualdeko gazteen artean bultzatzeko helburuarekin sortu zuen duela bi urte Durangaldeko Ikerlari Gazteen Saria. Sari banaketa maiatzaren 3an izango da, Durangoko Oktogonoan, 19:00etan.