Durangoko Udalak eta herriko 19 elkartek Gabonetako egitaraua aurkeztu dute goiz honetan. Abenduaren 20tik urtarrilaren 6ra arte, 30 ekintza egongo dira. Tartean, izotz pista, umeentzako tailerrak, folk, rock eta organo kontzertuak, eta zelan ez, baita Olentzeroren eta Mari Domingiren etorrera eta Errege Magoen kabalkada ere.

Abadiñoko Mia harategiak eraman du Buzkantz jaiko sari nagusia. Eguraldiak lagunduta kaleetan lehen ordutik nagusitu zen giro ona, eta elkarte batzuek mahaiak eta musika kalera atera zituzten. Domekan, 10:00etan hasi zen tiketen salmenta, eta 400 tiketak 50 minutuan amaitu ziren. "Datuak berak adierazten du jaialdiak duen sustraia eta erakargarritasuna", azaldu dute antolatzaileek.