Aspalditik arazoa dago termitekin Elorrioko herrigune historikoan. Arazo horri konponbidea eman asmoz, bost urte iraungo duen tratamendua aplikatzen hasi berri direla jakitera eman du Elorrioko Udalak ohar bidez. Lehenengo pausoa termitak hauteman dituzten eraikinetan jakia jartzea izan da termita-koloniak kontrolatu eta deuseztatzeko asmoarekin.

Kontxi Egiarte Arribalzaga zornotzarra, Miren Zamakona Azkuna durangarra eta Idoia Larrañaga Ansola elorriarra aitzindariak izan ziren duela 50 urte, emakumeen futbol taldeak osatu eta bertan aritzeagatik. Iraultza (Zornotza), Kemen (Durango) eta Besaide (Elorrio) futbol taldeetan aritu ziren. 50 urte geroago, futbolean ostera ere aritzeko eta oroitzapenak elkatrukatzeko batu ditu ANBOTOk. Garai bateko ilusioa eta indarra ez zaie amatatu. Bariku honetan, elkarrizketa osoa irakurgai egongo da paperezko edizioan.