Durangoko Udalak herri galdeketak ipini ditu martxan herrian sortuko diren plaza eta kale berri bana izendatzeko. Era berean, Durango eta Iurreta lotzen dituen pasabide berria izendatzeko bozketa ere martxan dago. Azken honetan, udalerri bietako herritarrek, durangarrek eta iurretarrek bozkatuko dute. 

Kofradi Eguna ospatu zuten Iurretako Laixiar zelaian, atzo. Herriko sei kofradiek urteko kontuen berri eman ondoren, jai giroa izan zen nagusi. 70eko hamarkadatik Iurretako Kofradietako idazkari izan den Mikel Sopelanaren omenez minutu bateko isilunea egin zuten.
(Argazkiak: Gorka Valdesenak dira)