Iurretako 35 ikaslek herria hobetzeko garatu gura dituzten ekintzak aurkeztu dituzte 2023 Eskola Agendako Udal Foroan. Maiztegiko herri eskolako 27 ikasle eta Juan Orobiogoitia Institutuko zortzi udal ordezkariekin batu ziren, maiatzaren 22an. Udal Foroa prestatu eta udal diagnostikoaren ondorioak adostu ondoren, ikasturte berriari begira egin gura dituzten ekintzak proposatu zizkien Oskar Koka alkateari eta arkitekto teknikoari.
Udal ordezkariek ikasleek aurkeztutako ideiei erantzun zieten eta urtero programa honetan egindako ahalegina eskertu zuten, ohar batean jakitera eman dutenez. Orain arte moduan, ingurumenaren alde lan egiten jarraitzera animatu zituzten ikasleak.
Iurretaren garapen jasangarria helburu hartuta, hainbat gai landu dituzte ikasleek ikasturtean zehar.