Bihar, ekainak 13, San Antonio eguna ospatuko dute Urkiolan. 10:00etatik 15:00etara ganadu eta baserriko produktuen azoka egongo da, eta 11:00etatik 14:00etara trikitilariak eta bertsolariak arituko dira. 10:00etatik 13:00etara bitartean, orduero egongo da meza. Ekainaren 15a Errepetiziño domeka izango da. 10:00etatik 15:00etara azoka egongo da, 12:45ean herri kirolak, eta 16:30ean erromeria Aiko taldearen eskutik.
Egun bietan doako autobus zerbitzua egongo da Abadiñotik zein Durangotik Urkiolara. Abadiñoko autobusa 09:00etan, 10:00etan eta 11:00etan irtengo da, Zelaietako autobus geltokitik, eta geldialdia egingo du Traña-Matienan. Bueltarako autobusa 17:00etan eta 18:00etan izango da. Durangokoa Landakotik irtengo da. Hau 10:00etatik 19:00etara etenik barik ibiliko da joan-etorrian.