Urtero, San Jose egunaren bueltan, Izurtzako Erdoitzako Ama jubilatuen elkarteak batzar orokorra egiten du. Aurtengo batzarra martxoaren 22ko domekan izango da, 13:00etan, erabilera anitzeko gelan. Iazko kontuak garbitu eta aurtengo aurrekontua adostuko dute. Horrez gainera, juntako kide berriak aukeratzea izango da mahai gainean egongo den beste gai bat. Azken urte bietan Julio Cuesta izan da elkarteko presidentea. 

Bizkaian herririk herri dabilen garbigune mugikorra Izurtzara heldu da. Aste honetako martitzenean ipini zuten aparkalekuan, eta martxoaren 10era bitartean egongo da bertan herritarren eskuragarri.