Bestalde, Eixu elkarteak askotariko postuak batuko dituen artisau azoka antolatu du domekarako. 11:00etan izango da, plazan. Pelma & Luis musika jartzaileek girotuko dute azoka.
'Aitatxo' dokumentala
Ekainaren 22an, 18:30ean, Aitatxo dokumentala emango dute erabilera anitzeko lokalean. Dokumental honek seme edo alaba bat galdu duten lau aitaren testigantzak biltzen ditu, dolua aitaren ikuspegitik erakutsita.
Ekainaren 23an, 19:00etan, Gabriela Guridi elorriarrak kontzertua emango du Santo Tomas parkean. Ondoren, San Joan sua piztuko dute parkean, Ji-Kunak txalapartarien musikak lagunduta. Jan-edanerako aukera ere egongo da.