Bizkaiko emakume baserritarrei ahotsa eta ikusgarritasuna eman asmoz, EHNE sindikatuak liburu batean batu ditu herrialdeko hamar emakume baserritarren bizipenak. Maribi Ugarteburu kazetari amorotoarrak elkarrizketatu ditu hamarrak, eta bera arduratu da denen bizipenak kontatzeaz. Jatorri, belaunaldi eta bizipen desberdineko ahotsak batu ditu, tartean, Durangaldeko kide bi: beharra Arrazolako ortuetan egindako Maritxu Telleria (Oñati, 1957) eta Orozketan ortugintzan diharduen Alazne Intxauspe (Andoain, 1984). Argi diote: "Baserritarrak izateaz harro gaude".