Durangoko Udalak eta Dendak Baik merkataritza bonuen kanpaina berria ipini dute martxan. 10.898 bonu kaleratu eta herritarren eskura ipini dituzte 10 euroan. 65 urtetik gorako herritarrek era presentzialean erosi ahalko dituzte, Kurutzesantun, egingo dute gaurtik zapatura arte. Gainerakoek bonoa.durango.eus plataforman izango dituzte eskuragarri. Halaber, bertan kontsultatu ahalko dituzte kanpainara atxikitako saltokien zerrenda.
10 euroko bonu bakoitzagaz, kontsumitzaileek 15 euro gastatu ahalko dituzte. Herritar bakoitzak lau txartel eskuratu ahalko ditu gehienez, eta saltoki bakoitzak 200 bonu onartu ahal izango ditu gehienez. Bi bonu gehienez, tiket bakoitzeko.
Jesica Ruiz merkataritza zinegotziaren berbetan, udalak bultzada eman gura dio tokiko merkataritza txikiari. Herritar guztiak animatu ditu bonuak erostera eta horiek udalerrian erabiltzera.