Ohi baino egitarau xumeagoagaz eta segurtasun neurriek baldintzatuta, baina Andramari jaiekin aurrera egitea erabaki dute Mallabian. Musika kontzertuak dira egitarauko goiburuetako bat: Ruper Ordorikak eta Luhartz erromeria taldeak kontzertua eskainiko dute.

Kirol eskaintzarik ez da faltako Andra Mari jaietan, eta aurten 30. aldia beteko du Mallabiko Harri-jasotze Sariak. Abuztuaren 15ean zortzi harrijasotzaile  batuko dira pilotalekuan: Xabat Olaizola, Iraitz Arruti eta Mikel Lopetegi zarauztarrak, Manex Aburuza oriotarra, Jagoba Otaegi aizarnarra, Josetxo Urrutia leitzarra, Inhar Urruzuno ondarroarra eta Julio Jimenez arevaloarra.