Euskararekin bat lelopean kontzentratu dira udaletxeen aurrealdean. Hain zuzen ere, Espainiako Auzitegi Gorenak atzera bota ditu Euskal Autonomia Erkidegoko udal legearen dekretutik baliogabetutako artikulu gehienak, euskara lehenetsiz gero, hizkuntzen koofizialtasuna "urratzen" dela ebatzita. Udalerri Euskaldunen Mankomunitateak elkarretaratzeak deitu zituen gaurko, epaia larritzat joz, eta euskara "bigarren mailako hizkuntza izatera kondenatzeagatik".
