Berbarok hizkuntza neurketa bat egingo du sanfaustoetako ekintzak euskaraz, gaztelaniaz edo ele bitan egiten diren aztertzeko. Orain arte, elkarteko kideak arduratu dira kontzertuetako, ikuskizunetako edo ekitaldietako hizkuntzak identifikatzeaz, baina, aurten, lehenengoz, boluntario talde bat osatuko dute neurketa hori osatuagoa izan dadin.
Jaiak igarota, datuak txosten batean batu eta publiko egingo dituzte. Berbarok azaldu duenez, egitasmoa baliagarria izango da etorkizunean euskara sustatzeko proposamenak egiteko. Hizkuntza neurketako boluntario izan gura duenak honako lotura honetan egin ditzake inskripzioak.