800 euro inguru batu dituzte Garain egindako errematan. San Antonio eguna izanda, urtero legez, hainbat izan dira Elizabarrira gerturatu eta baserriko produktuen enkantean parte hartu duten herritarrak. Denetarik ikusi ahal izan da bertan, hasi porru eta ardi esnetik, eta, oilanda zein untxietara arte. Batutako diruaren erdia Ekuadorgo proiektu bat laguntzera bideratuko dute

Adituek diotenez, Andeka Gorrotxategi (Abadiño, 1977) azken 50 urteotako tenorerik garrantzitsuena da Euskal Herrian. Abadiñarrak Durangoko kontserbatorioko koruan ekin zion bideari. Orain, opera denboraldia duten nazioarteko antzokirik garrantzitsuenetan entzun daiteke bere ahotsa. Horien guztien artean, emanaldi batek zabalkunde handia izan du. Sidneyko Opera Houseko teilatutik Turandot opera abesten agertzen den bideoa milioika lagunek ikusi dute.