Asteburuan Valbergen (Frantzia) jokatutako proban Europako Txapeldun gelditu da Julen Saenz de Ormijana. "Oso pozik nago lortutako emaitzarekin. Proba oso zaila izan zen. Finalera, lehenengo sailkatu moduan pasa nintzen. Beraz, finalean azkena izan nintzen irtetzen. Azkena irtetzea pribilegioa den arren, presioa ere bada, azkenean gainontzeko kirolari guztien lana ikusten nuen. Denek lan izugarria egin zuten", azaldu du Saenz de Ormijanak.
Aurkariek lan ona egin bazuten, Garain bizi den kirolariak oraindik hobea egin zuen, eta garaipena eskuratu zuen. "Finala oso gogorra izan zen, baina egun ona izan nuen. Dena bikain irten zen. Oraindik sinistu ezinda nago" gaineratu du kirolariak.
![[BIDEOA]: "Bizikletagaz 'feeling' berezia daukat. Ia-ia bat gara"](https://anboto.tok-md.com/argazkiak/wni/cache/1864996_1_orig_tokikom_735x413.jpg)
