Garazi Magunagoitiak (Atxondo, 1986) antzerki tailerra abiatu berri du herriko gaztetxoen artean antzerkirako zaletasuna bultzatzeko. Aste batean eguenetan eta hurrengoan barikuetan batzen dira, 17:30-19:30 artean, erabilera anitzeko gelan. Oraindino plazak daude eta liburutegian galdetu daiteke. Horrez gainera, hilean behin antzezlan bat ikustera joango dira inguruko herriko aretoetara. Saio monografikoak ere antolatuko ditu. Azken ekimen bi horiek tailerrean ez dabiltzanentzat ere zabalik egongo dira.

Atxondoko frontoian Infinitudrama konpainiaren Promesarik txikiena antzezlana taularatuko dute, otsailaren 1ean, 19:00etan.