Egun osoko egitaraua izango dute Axpen, San Martintxo jaia ospatzeko

A.M.

Azaroaren 21ean, zapatuan, San Martintxo jaia egingo dute Axpen. Giro ederrean egingo dute eta ez da musikarik eta janaririk faltako. 11:30ean ekingo diote ospakizunari, Axpeko plazan bertan, mokadutxo baten bueltan; ondoren, ingurutik ibilaldi bat egingo dute, musikariz lagunduta. Bazkalaurretik, igel eta porra txapelketa egingo dituzte. Eguneko ekitaldirik nagusienetariko bat bazkaria izango da. 14:30ean hasiko da eta hor ere musikak protagonismo berezia hartuko du.

Bazkalostean, San Martintxo otzara zotz egingo dute jaira doazen herritarren artean. 

Gaztainerre, gaur
Gaur, azaroak 20, Gaztainerre ospatuko dute giro eta konpainia ederrean. 18:30ean ipini dute ordua, Apatako plazan. Atxondoko Udalak ospakizunean parte hartzeko gonbita egin die herritarrei. Gero, 20:00etan, Go!azen telesailaren 13. denboraldia estreinatuko dute erabilera anitzeko gelan.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!