Katamalok kontzertu honetako eskubideak Plateruenaren esku utzi ditu, ...eta urte askotarako diru ekarpen eta borondatezko lan kanpainagaz bat eginez. Gotzon Barandiaranen arabera, “hiru urte eta gero guk geuk disko hau kaleratzeak ez zuen zentzu handirik. Plateruenarekin hasieratik bidelagun izan gara Bihotz Bakartien Kluba sortu genuenetik. Logikoa eta naturala zen grabazioa beraien esku uztea diru ekarpen pertsonala egin beharrean diskoa emanez. Ateratzen dena Durangoko antzokiaren proiekturako izango da”. Itziar Castrillo saxofoi-jotzaileak Katamalorekin azkenengo biran bat egin zuen. Diskoa eskuen artean hartuta, pozik dago emaitzarekin. “Grabazioa, gau horretan bizi izan genuenaren isla da. Plateruena jendez gainezka zegoen, eta emozio handiko kontzertua izan zen”. Gogoratu dutenez, aurretik grabatu gabeko bost abesti entzun daitezke diskoan.
Katamalok Plateruenean grabatutako zuzeneko diskoa kalean da
Kalean da Plateruenak eta Katamalok elkarlanean sortutako kontzertuaren diskoa. Katamalo Plateruenean zuzenean diskoa 2011ko azaroaren 18an grabatutako Katamaloren agur kontzertua da eta Musika Zuzenean standean eta antzokian izango da salgai Durangoko Azokan.
Erlazionatuak
Jendetza. domekan, Durangoko Azokan
2014 abe 07 Durango
49. Durangoko Azoka iruditan, zapatua
2014 abe 06 Durango
Ballonti institutuko ikasleak ANBOTOn
2014 abe 05 Iurreta
Zabaldu dituzte 49. Durangoko Azokako ateak
2014 abe 05 Durango
EGIN ZAITEZ KIDE!