Parte-hartzaile guztiak irabazle egiten dituen berdintasunaren aldeko Milia Morean korrika egitera deitu dituzte iurretarrak

Iurreta

Martxoaren 8aren harira, emakume eta gizonen arteko berdintasunaren alde milia bat korrika egitera deitu dute Iurretan: Milia Morea. Gu Be Bai Runners taldeagaz elkarlanean, udaleko Berdintasun Saileko arduradunek hirugarrenez antolatu dute herritar guztiei zabaldutako lasterketa, eta erantzun zabala izatea gura dute. Horretarako, herriko elkarteen parte-hartzea ere sustatu dute. Martxoaren 17an jarri dute hitzordua, 12:00etan.