2014an eskualdeko udalek eta herritarrek egindako alegazio gehienak onartu ditu Arabako Foru Aldundiak -bera da zerbitzuaren eskumena duena-. Astegunetan hiru autobus gehiago irtengo dira noranzko bakoitzean, eta asteburuetan bi gehiago. Zerbitzuak hobekuntza nabariak izango dituelako, pozik agertu dira Durangoko gobernu taldea (EAJ eta PSE) eta EH Bilduko eskualdeko ordezkariak ere bai (Izurtza, Mañaria eta Otxandioko alkateak eta Durangoko zinegotziak).