Ikasleen eta beharginen beharrizanak, besteak beste, kontuan hartu dituzte alegazioetan. Astegunetan beste autobus bana eskainiko dute goizez, eguerdiz zein arratsaldez, eta asteburuetan bana goizez eta arratsaldez. Durangotik ordu hauetan irtengo dira autobusak: astelehenetik barikura 06:30, 07:10, 07:45, 09:20, 12:45, 13:45, 15:10, 17:15, 18:15 eta 20:50; zapatu eta domeketan 08:40, 11:50, 14:10, 16:35, 19:40 eta 22:00. Gasteiztik bueltatzeko, honako ordutegia egongo da: astelehenetik barikura 06:45, 08:10, 09:00, 12:15, 13:55, 14:25, 15:25, 16:25, 19:30 eta 22:00; zapatu eta domeketan 07:30, 10:00, 13:00, 15:20, 17:50 eta 20:50.
Bestalde, autobus flota berritzea izango da lizitazio berriaren baldintzetako bat; 2018ko lehen hiruhilekoan aterako da lehiara. Behar bereziak dituztenentzat egokituta ere joan beharko dira ibilgailuak.
Aldundiari begira
Durangoko gobernuak Arabako aldundiagaz edukitako elkarlana eskertu du. EH Bilduko agintariek, ostera, alegazioak erantzuteko "denbora gehiegi" eman duela uste dute.