Aldiak eta aldeak

Erabiltzailearen aurpegia   Iritzia

Trenez abiatu da Durangorantz. Urte asko, euskararen kulturaldi honetara etorri barik. Azkenengoz etortzean, egurrezko eserleku gogorrak eta metalezko barrak zituen bagoi-atalak, burdin uger eta koipe belztuaren usaina.

Gurariak

Erabiltzailearen aurpegia   Iritzia

Sentibera da, oso, hondamendi, gatazka eta, batez ere, gizon-emakumeon arteko indarkeriarekin. Sasoiotan dabilen haizeak, bada, ez dio mesederik egiten. Etxe barruan barreiatzen ari dela sumatzen du, pasillora, ezkaratzera…

Lurrari lotuta

Erabiltzailearen aurpegia   Iritzia

Umeak kakatzan ortozik ibiltzen ziren leku horietako batean sortu zen. Eskolara ere ortozik joaten omen zen. Uda sasoian, arkatza eta zirriborroz betetako koadernoa bazterrean laga eta egunak igarotzen zituen goialdeko larretan, borda batean, aitonari ganadua gobernatzen laguntzen.

Zeruaz eta zoruaz

Erabiltzailearen aurpegia   Iritzia

Gure amak ez zuen berba asko egiten gerrari buruz, ezta gerraosteari buruz ere. Umea baitzen eta gogoratu bai, baina flashak baino ez zitzaizkion gelditzen. Gurasoek ahizpa biak hartuta etxetik alde egin, eta mendirik mendi ibili ziren ihesean. Zubipe eta kobazuloak zituzten babesleku sirena-hotsak eta danbadak entzutean.

Zaborrak bizigai

Erabiltzailearen aurpegia   Iritzia

Banoa etxe barruko epeletik, nagi, poltsak eskuetan, kalera. Ilun dago, argi horixkak gaua tindatzen du euri langarra lagun. Apenas igartzen dira joan-etorrian dabiltzanen aurpegierak…

Ibilbideak

Erabiltzailearen aurpegia   Iritzia

Luismarik ez daki ze egun den, urtaroaren izena ere ahaztu zaio. Baina badaki argitasuna gainbehera hasten denean, arropa gehiago jantzi behar duela.

Urrin dago ‘Próxima b’

Erabiltzailearen aurpegia   Iritzia

Etxe ondoko ortuko gerizpean eserita, zirriborroa amaitzear. Zer marratzen ari den galdetu dio amamak lekak ureztatzen dituen bitartean. Erantzunik ez eta hurreratu zaionean, neskatilak esan dio zalantzak dituela propultsioko motorraz eta erregaiaz, urte luzeetako bidaia egin behar duela eta. Trajea josten eta kaskoa prestatzen dabil. Espazio-ontzi itxura hartu dio amamak eta nora joateko den galdetu dio. Isilunea.

Egiazko herria

Erabiltzailearen aurpegia   Iritzia

Domeka arratsaldez etortzen da bikotea, bisitari, geure Durangaldeko herri txikitik handira; jende desberdina ikusi, haren keinuak, bestearen agur lotsatia, erakusleiho apainak, terrazan eseri eta, kafeaz batera, pasteltxoa jan...; horixe dute gogoko, besterik ez, ibilbide eta dekoratu berdintsuak izatea beti.

Arrakalak

Erabiltzailearen aurpegia   Iritzia

Gazteago zenean, geuretik alde egin eta beste eskualde batean errefuxiatu zen. Gorputz meharra du. Umetan, uda partean, arrastiko bero zaparen ostean, sarri ibiltzen ginen auzoko landetan elkarrekin amaraunak topatu eta armiarma hanka luzeei begira euli, matxinsalto edo antzekoak zelan hartzen zituzten preso. Hezur gabekoen hura hil ala biziko borroka zen amaraunean itsatsita ez gelditzeko. Bildu, ziztada eman eta bertan momifikatzen ziren barrunbeko isuriak hustuta.

Corpore sano vs. mens sana

Erabiltzailearen aurpegia   Iritzia

Hotz dago, iluntzeak dakarrena. PFCdun elastiko termikoa eta mailak jantzi ditu, markadun zapatilak lotu eta badoa. Astiro hasi da, gaur entzun eta irakurritako batzuk mamurtzeko izaten da eguneko tarte hau. Bakarrik egoteko ere bai. Ihesi ez ete dabilen, auzoko eta inguruko arazoekiko ardura gutxi izatea ezkutatzeko edo beraietatik aldentzeko. Izerdiaren bustia sentitu orduko, hasi da hausnarrean. Lehen kilometroa bete duela diotso pantailatxoak; eguneko txio zirraragarrienek belarriak zulatzen dizkiote, eta une batez, pentsatu du benetan doala ihesean, gero eta azkarrago, gero eta urrunago. Erritmoa bizitu du, eskumuturreko monitoreak  ez dio berri onik eman, bihotz taupadak ohi baino arinago ari zaizkio burutapen bakoitzaren eraginpean.