Abadiño.  Jai giroa izango dute nagusi, asteburuan, Gaztelua auzoan. Zapatua, San Martin Eguna, eguna handia da auzoan, eta hori gogoan hartuz ekitaldi sorta antolatu du Udaleko Kultura Sailak.

Durango.  Hamar informazio puntu elkarreragile jarri ditu Udalak hirian banatuta. Gehitzen joango den oinarrizko informazioaz hornitutako panel horiek merkatari elkarteekin elkarlanean jarri dituzte, eta asteburuan ipiniko dituzte martxan.

Durango.  Euskal-Harley-Custom’ jaia ospatuko dute, uztailaren 3tik 5a bitartean, Landako erakustazokan. Horietariko 200 mototik gora batuko dira, eta nobedade moduan bide heziketa zirkuitua ere egokituko dute; gaztetxo ezinduek moto elektrikoan jardun ahal izango dute. Geu Be eta Stop Accidentes elkarteak gonbidatu dituzte. Aeromodelismo erakustaldia ere izango dute domekan.

Iurreta.  Iurretako herrigunean enpresa berriak sortzea sustatu guran Enpresa-proiektuen I. Deialdia antolatu du Udalak.

Iurreta.  Goiuria kulturgunerako erabilera araudiaren hasierako onespena lotu du gaurko udalbatzarreko gai-ordenean, eta uztailaren 14an inauguratuko dute.

Bizkaia.  Learreta–Markina herri eskolak logo berria dauka. Mallabiko eskolako ikasle eta ikasle ohien artean egindako lehiaketan aukeratu dute ikastetxearen irudi berria. Julene Larrakoetxeak egindako lana eskolarentzako irudi egokiena dela iritzi dio epaimahaiak. Lehiaketan 33 lan aurkeztu dira guztira, eta epaimahaia Oihane Onaindia kultura zinegotziak, irakasle bik eta guraso bik osatu dute.

Garai.  Zapatuan, ostera, ipuin kontalaria, afaria eta erromeria izan ziren Garain, Momoitioko baseliza inguruan.

Bizkaia.  Euskadiko Federazioko 23 urtez azpikoek eta nagusien emakumezkoen taldeak lan aparta egin dute Kantabrian jokatutako Espainiako txapelketan. Lau domina lortu dituzte, horietako hiru erlojuz kontrakoan. Eneritz Iturriaga abadiñarrak urrea lortzeko merituak egin zituen erlojuz kontrakoan, baina bizikletako katea irten zitzaion eta hortxe zapuztu ziren bere esperantza guztiak. Hala ere, ez zuen etsi eta laugarren amaitu zuen, dominaren ateetan.

Berriz.  Oizpe Pilota Txapelketak ikusmin handia sortu zuen berriztarren artean. Zaleek ez zuten hutsik egin igandeko finaletara. Berrizek hiru finaletan zituen ordezkariak eta azkenean batek irabazi zuen: Albizuri IIak nagusietan Aurtenetxe lezamarraren kontra.

Otxandio.  Joan zen barikuan Bizkaiko II Mailako Pilota Txapelketako finala jokatu eta irabazi zuten Ibon Urrejola otxandiarrak eta Ander Ocerin zornotzarrak. 22-18 menderatu zuten Zeanuriko bikotea.

Elorrio.  Fytasa Taldeak aurreikusi duen behin betiko kaleratze espedientearen kontsulta epea abuztuaren 3a arte luzatzea lortu dute Ductilorreko langileek. Espedienteak 19 langile kaleratzea jasotzen du, komiteak jakin eragin duenez.