AZPIEGITURA BERRIA

Goiuria ikastolan elkarteei lekua egin gura die

Iurreta. Goiuria ikastola zaharberrituta sortuko den kultur azpiegitura berrian lekua hartzeko interesa agertu dute herriko elkarte gehientsuenek; denera, 10 elkartek. Halaxe esan digu Iñaki Totorikaguena alkateak. Irailean bertan eman gura ditu zaharberritze-lanak Gobernu Taldeak, eta urte amaieran azpiegitura berria gertu eduki gura lukete. Gero altzariak jarri beharko dituzte.

JAURLARITZAK BULTZATUTA

Merkantzia Garraiorako zentroa dela-eta arduratuta dago Bakixako kofradia

Iurreta. Bakixako kofradiak zein Udalak “ardura handia” agertu dute Bakixa eta Fauste auzoetan eragingo duen Jaurlaritzak sustatutako Merkantzia Garraiorako Zentroaren kokapena dela-eta. Kofradiak dioenez, auzoa “hankaz gora” jarriko du eta “dauden 43 bat baserrietatik seitan ez beste guztietan eragin zuzena izango du, kalte handia”. Oro har, horrek herri osoan izango duela eragina nabarmendu dute.

BOST HILEKO IRAUPENA

Hasi dituzte obrak Bixente Kapanagan

Iurreta. Asteon bertan hasi dituzte Bixente Kapanaga kaleko hirigintza lanak. Probisa enpresari eman dio Udalak lanon ardura, eta 1,4 milioi euro inguruko inbertsioa eskatuko dute. Iñaki Totorikaguena alkateak azaldu duenez, bost hilabeteko epea izango du enpresak lanak amaitzeko. Beraz, urtarrilerako aurreikusi dute prest egotea herria gurutzatzen duen kaleko hirigintza lanok.

SARITUA

Edurne Egiak jaso du Iurreta Saria

Iurreta. Edurne Egia markinarrak jaso du, aurten, Iurretako Goi-mailako Lanbide Heziketako Berariazko Institutuak emandako Iurreta Saria. Zer edo zertan nabarmendu diren ikasle ohi edo enpresa laguntzaileei ematen die saria, besteren artean.

LURPERATZEA

N-634 bidea lurperatzea eskatuko dute

Iurreta. EAEko Bigarren Errepide Plangintzaren aurrerapenak N-634 errepidearen lurperatzea batu dezan eskatzea onartu du udalbatzarrak, aho batez. Hala ere, Iñaki Totorikaguena alkatearen berbetan, “ezin dugu horretan tematu; izan ere, zaila izan daiteke teknikoki hori aurrera eroatea, eta aukerarik onena zein den aztertu beharko dugu. Oraintxe da, baina, eskaera egiteko aukera, erantzukizunagatik”. Arazoa konpondu eta alternatibak aztertzea gura dute.

AUZOBIDEAK

Oromiño eta Bakixako auzobideak konponduko dituzte urte amaierarako

Iurreta. Herriko auzobide publikoen konponketak amaituko ditu Udalak urte amaieran, Oromiño eta Bakixako bideekin amaitu ondoren. Abuztuan itxaroten dute konpontze lanok ematea, irailean hasi ahal izateko, Iñaki Totorikaguena alkateak azaldu duen moduan. Biak hiru hileko epean amaituko lituzkete. Denera, 226.000 euro inguruko inbertsioa eskatuko dute.

EGOKITZE LANAK

Irisgarritasunaren legedira egokitu gura dituzte eraikin publikoak

Iurreta. Irisgarritasunaren legedia betetzeko bidean hainbat egokitze lan egin ditu Udalak herriko eraikin publikoetan. Anbulategiko sarrerako, Jubilatuen Egoitzako eta Ibarretxe kultur etxeko sarrerako ateak aldatu dituzte; kultur etxeko areto nagusiko atearekin eta bainuetakoekin ere berdin egin gura dute.

HERRI LANAK

Oinezkoentzako lekua irabaziko dute Bixente Kapanaga zaharberrituta

Iurreta. Eskaintza ekonomikoak jasotzeko epea hasita, astebete inguruan Bixente Kapanagako zaharberritze-lanak emateko tramitazioa hasiko du Udalak. Lanak abuztuan hastea aurreikusi dute, 1,54 milioi inguruko inbertsioa eskatuz, eta, sei eta bederatzi hile bitartean egitekoak dira.

HERRI LANAK

Frontoiko sarbidea egokituko dute erabilera zabaltzeko

Iurreta. Denera, 80.000 euroko inbertsioa eskatu duten frontoiko berriztatzen lanen lehen zatiarekin amaitzeko azken ukituak baino ez dituzte falta. Uztarria konpondu eta estalkia estalita, izena ipini eta txukuntzea geratzen da, Iñaki Totorikaguena alkateak azaldu duenez: “Brigadakoek probalekuaren teila berritze-lanetan ere badihardute”. Orain, sarbidea egokituko dute.

TRENBIDE ALBOTIK

Bidegorria abiatuko dute, Santa Apoloniatik

Iurreta. Bilbo-Donostia trenbidearen alboan, herritik lurpean pasatzen den tartean, bidegorria egokitzea onartu du udalbatzarrak. Trena uzten den unetik Orozketarako errepideraino joango litzake bidegorria.

MOZIOA

A-8a erabiltzen dutenei beherapenak

Iurreta. Udalbatzarrak aho batez onartu du Durangaldeko A-8 autobidearen erabiltzaileei beherapenak aplikatzeko eskaera egitea Bizkaiko Foru Aldundiko Herri-lan eta Garraio Sailari.

UDALBATZA

PSE-EEk Udala “geldirik” dagoela kritikatu du

Iurreta. Aurreko legealditik datozen erabakiak kenduta, bestelako erabaki “garrantzitsurik” ez dela hartu arrazoituz, Udalaren jarduera “geldituta” dagoela salatu du PSE-EEk: “Herrigunean lokal bat erostea eta Bixente Kapanagako lanak dira egindako bakarra. Kulturan egin dira gauzak, baina, erabaki garrantzitsuei dagokionez ezer ere ez”.

JAIAK

Auzoko dantzarien agurra San Martin egunez, Amatzan

Iurreta. Jai giroa izan dute nagusi joan zen asteburuan Amatza auzoan. Sanmartin jaiak aitzaki, tortilla txapelketa eta bertsolari eta trikitilariek girotutako herri afaria izan dute zapatuan.

TXIRRINDULARITZA

Marianne Vos-ek irabazi du aurtengo Emakumeen Bira

Iurreta. Marianne Vos holandar gazteak izugarrizko maila erakutsi du Emakumeen biraren XXI. edizio honetan. Nagusitasuna nabarmenaz gailendu da gaztea jokatu diren bost etapetatik lautan.

TXIRRINDULARITZA

175 txirrindularik parte hartuko dute Emakumeen XXI. biran

Iurreta. Iurretako Txirrindulari Elkarteak antolatu du aurten ere XXI. emakumeen bira. Urtero moduan lau etapa izango ditu eta nazinoarteko eta txirrindulariek hartuko dute parte. Giroarekin batera, emakumeen txirrindularitzako txapelketa garrantzitsuenetariko bat da.