2021eko udan Elorrioko San Jose inguruetan atxilotu zituzten sei gazteak epaitzen dabiltzala eta, Elorrioko gaztetxeak elkarretaratzera deitu du. Epaiketa salatzeaz gainera, babesa agertu gura izan diete gazteei. "Gazteok kriminalizatu egiten gaituzte komunikabideen, sare sozialen eta heziketa sistemaren bitartez, eta gure aurkako jazarpena zein bortizkeria poliziala justifikatzen dituzte. Horrela, interbentzio hauek egunerokotasuna bihurtu dira", salatu zuten. Horrez gainera, azken asteetan asanbladako hainbat kide identifikatu dituztela salatu dute. "Ez gara dena onartuko duen belaunaldia izango", aldarrikatuz amaitu zuten ekitaldia.