Afariagaz hasiko dituzte Argiñetako Kofradi jaiak

Anboto 2015-07-31 10:37   Herririk herri  Elorrio

Jai giroan sartuko dira gaur Argiñeta auzoan. Afaltzeko elkartuko dira 20:30ean, eta, ondoren, Dantzadi taldeagaz erromeri doinuek jantziko dute gaua. Abuztuaren 3ra bitartean hainbat ekitaldi izango dituzte Argiñetan.

San Inazio eguna ospatuko dute Kanpazarren

Anboto 2015-07-29 10:09   Herririk herri  Elorrio

Elorriotik Kanpazarrera egindako bizikleta martxagaz hasiko dute San Inazio eguna, uztailaren 31n. HItzordua 11:00etan egin dute Gernikako Arbola plazan. Trikitilariek berotuko dute giroa eta luntxa ere egongo da parte hartuko duten guztientzat.

Ondoren, bazkaria eta Doke Txapelketa izango dituzte Kanpazarrera hurreratuko dutenek. Bazkalosterako, berriz, erromeria antolatu dute. Kaixo plaza taldeak alaituko du arratsaldea.

Alkatearen liberazioak harreman tirabiratsua azaleratu du

Anboto 2015-07-24 16:22   Herririk herri  Elorrio

Idoia Buruaga alkateak (EHBildu) lanaldiaren %66an jardungo du udaletxean, urtean 29.394 euroko soldata gordina jasoz. Era berean, Xabier Dominguez alkateordea %50an liberatuko da —urtean 20.605 euroko soldata gordinagaz—. EHBildu eta EAJren artean tira-bira gogorrak eragin zituen gai horrek azken osoko bilkuran. Lana eta familia bateragarri egiteko murriztu du lanaldia Buruagak. "Aitzakia" da hori EAJko bozeroale Joseba Mujikaren ustean. Atzean bestelako arrazoia dagoela dio: "Udala bakarrik kudeatzeko dituen gabeziak". Herriaren Eskubidea taldeko Juan Pedro Gallasteguik liberazioen alde bozkatu zuen, baina, ez zuen eztabaidan parte hartu.

Iñigo Murua: "Indigenek aurrera egitea zailtzen du egoera ekonomikoak eta politikoak"

Anboto 2015-07-18 10:00   Berbaz  Elorrio

Venezuelako Monagas Estatuko Caripe herrian bizi da Iñigo Murua urtearen zati handi batean. Herri Indigenen Ministerioan lan egiten duen chaima indigena du emaztea, eta, haren bitartez, indigenen errealitatea ezagutzeko aukera izan du. Chaima indigenen kultura sustatzeko eta dituzten arazoei aurre egiteko lan egiten duen Asochaica (Asociación Chaima Caripe) elkartean ere badabil Murua. Caripeko komunitate indigenari laguntzeko kanpaina solidarioa abiatu zuen ekainean, Elorrion, Santa Ana komentuko ama domingotarrekin.

Gaztetxeko futbito lehiaketa hasiko da gaur

Anboto 2015-07-17 12:44   Herririk herri  Elorrio

Gaur eta bihar egingo dute Elorrioko gaztetxeak antolatzen duen kale futbol txapelketa. Ekimenak hamar urte bete ditu aurten, eta txapelketan sortu izan den lehiakortasunari aurre egin eta berdintasuna bultzatzeko helburuagaz, aurten, norbanako izen-ematea egin dute, eta zozketa bidez osatu dituzte taldeak.

Musikairek aurrera darrai asteburuan: gaur Aziza Brahimen kontzertua Arriolan izango da

Anboto 2015-07-17 12:22   Kultura  Elorrio

Lariz jauregian programatu dituzte asteburu honetarako bi hitzordu musikalak, baina, gaurkoa behintzat, Arriolara mugituko dutela azaldu dute, gauerako euria iragarri dutelako.  Gaur, Aziza Brahim saharauiaren ahotsak hartuko du Elorrio, 22:30etik aurrera, eta bihar, Lariz jauregian, Xabier Aburruzagaren trikitiaren doinua izango da protagonista, bateria, baxua, biolina eta gitarra joko dituzten lau musikarik lagunduta. 

Ziortza Isasi bosgarren pistako Europako txapelketan

Anboto 2015-07-17 09:40   Kirolak  Elorrio

Atenasen taldekako jazarpen proban parte hartu du Ane Iriarte, Irene Usabiaga eta Sheyla Gutierrezegaz batera.

Abadiño irabazle Elorrioko xake lehiaketan

Anboto 2015-07-16 12:09   Kirolak  Abadiño  Elorrio

Abadiño Xake Taldeak Elorrioko San Balentin Berrio-Otxoa partida azkarren txapelketa irabazi zuen joan zen asteburuan. Jokatutako hamalau partidetatik hamahiru irabazi zituen, eta bakarra galdu zuen.  Azkoitiko Anaitasuna-Kakute sailkatu zen bigarren, eta Elorrioko Zaldi Baltza hirugarren. Bi taldeek puntuetara berdindu egin zuten, baina, bien arteko parekatzean azkoitiarrak nagusitu zirenez, eurak izan ziren bigarren.

'Argi' filmaren grabaketa hasiko dute, astelehenean, Elorrion

Anboto 2015-07-16 11:15   Kultura  Elorrio

Astelehenean ekingo diote Iratxe Mediavilla zuzendariak eta bere lantaldeak Argi film luzea grabatzeari, Elorrion. Filmazioa hiru astekoa izatea aurreikusi dute, eta, filmeko lokalizazio guztiak Elorrion daudenez, “herri osoa zinema set bihurtuko” dutela aurreratu du lantaldeak: “Zinema usaina edukiko du datozen hiru asteetan Elorriok, zinema giroa arnastu eta ia ukitu ere egin ahalko da”.

Garamenditar Agustin musika eskolak jaurtiko du Ferixa Nausikoetako txupinazoa

Anboto 2015-07-14 15:46   Herririk herri  Elorrio

Musika eskolaren 25. urteurrena dela-eta, hasiera ofiziala emango dio jaiei. Txupinazoaren unea sorpresaz beteta egongo dela aurreratu dute musikariek.

Xeber Zubiaga elorriarra aske geratu da

Anboto 2015-07-13 11:09   Herririk herri  Elorrio

Valladolideko kartzelatik irten da gaur goizean, zortzi urteko zigorra bete ostean. Elorriora 20:00ak aldera helduko da Zubiaga.

Jose Mari Azkarate: "Herbehereetan, Meteosat proiektuaren koordinazioa egiten genuen guk"

Anboto 2015-07-11 10:00   Berbaz  Elorrio

Telebistako eguraldi iragarpenak urte osoan pizten du interesa, eta emisio arrakastatsuenetako bat da Euskal Herrian. Bero egin duen egunotan ere, arreta handiz jarraitu ditugu iragarleen aurreikuspenak. Hurrengo ordu eta egunetan egingo duen eguraldia asmatzeko lan horretan, paper garrantzitsua betetzen du Meteosat sateliteak. Bada, urrutira joan barik, elorriar bat ibili da satelite horren eraikuntzan. 1986an, Herbehereetara joan zen Jose Mari Azkarate, Europako Espazio Agentzian (ESA) lan egitera, eta, duela lau urte jubilatu zen arte, Meteosaten koordinazio lanetan ibili zen. Eguaztenean jaurtiko dute Guayana Frantsesetik Meteosat berria, satelite familia horretako bigarren belaunaldiko laugarrena. Alemaniatik zuzenean jarraituko du Meteosaten bidaia.

"Lehen, oztopuak zien aitzakixa; oin, aitzakixak die oztopo. Eixu!"

Erabiltzailearen aurpegia Ebalixu 2015-07-10 11:30   Herririk herri

Oztopo larrixak euki dauz gure hizkuntzak, baina oin, sarritan guk geuk ipintzen doguz oztopo nausixenak.

Erdella Eguna izango dute zapatuan

Anboto 2015-07-10 11:02   Herririk herri  Elorrio

Erdella Eguna izango dute, bihar, Elorrion. 09:00etan, Erdella mendira igoko dira, eta, bueltan, herriko plazan jarraituko du jai egunak. 11:00etatik aurrera, adibidez, eskalada horma eta ohe elastikoak egongo dira. Triki-poteoaren ostean, herri bazkarian batuko dira, eta, 18:00etarako, umeentzako antzerkia prestatu dute.

“Aurten ondo aritu naiz eta Europako txapelketa sari moduan hartzen dut”

Anboto 2015-07-09 18:38   Kirolak  Elorrio

Ziortza Isasik (1995, Elorrio) pistako Europako Txapelketan parte hartuko du bere ibilbidean lehenengoz. Hilaren 14tik 19ra izango da, Atenasen.

Christian Gulinek Elorrioko Buskantzan jokatzea aukeratu du

Anboto 2015-07-09 11:10   Kirolak  Elorrio

Durangoko Mendibeltz taldean denboraldi oso ona osatu ostean hainbat talderen eskaintzak izan ditu eta azkenean Elorriorako bidea hartu du.

Alonso eta Eskudero izan ziren nagusi, Trikitilari Gazteen Elorrioko Txapelketan

Anboto 2015-07-09 10:48   Kultura  Elorrio

Julen Alonso zarauztarrak eta Alaitz Eskudero debarrak osaturiko bikoteak irabazi zuen, uztailaren 4an, Elorrioko plazan jokatutako Trikitilari Gazteen Elorrioko II. Txapelketa. 250 euroko lehenengo saria jaso zuten. Iaz, Eneritz Aulesti panderojoleak lagunduta irabazi zuen Alonsok, eta Eskudero lagun duela ere bikain moldatu da, aurten.

Zortzi ume saharaui etorri dira Elorriora, uda pasatzera

Anboto 2015-07-08 11:15   Herririk herri  Elorrio

Idoia Buruaga Elorrioko alkateak ongietorria egin zien, joan zen eguenean, ume saharauiei. Oporrak Bakean programari esker eta Lajwad elkarteak bultzatuta, zortzi ume etorri dira Elorriora, uda pasatzera. Tindufeko (Aljeria) errefuxiatuen kanpalekuetan udan bizi duten beroa saihestea da ekimenaren helburuetako bat. Udaletxean eginiko harrera ofizialean, umeak eta harrera familia diren elorriarrak egon ziren Buruaga alkateagaz batera.

Iñaki Reta elorriarra atxilotu dute, Xabier Goienetxeagaz, ETArekin lotura izan dezaketelakoan

Anboto 2015-07-08 08:23   Herririk herri  Elorrio

Berri agentzien arabera, ETArekin lotura izan dezaketelakoan Iñaki Reta elorriarra eta Xabier Goienetxea atxilotu zituzten atzo Ortzaitzen (Nafarroa Behera). Elorrion, atxiloketa salatzeko mobilizazioa egingo dute gaur 20:00etan plazan hasita.

"Euskara da gure territorio libre bakarra"

Erabiltzailearen aurpegia Ebalixu 2015-07-07 10:53   Herririk herri

Bai, "euskara da gure territorio libre bakarra", ta Elorrixon euskaraz libre bizi gurogu. Edozein txokotan: kalien, tabernetan, lokaletan, pistinetan... Gune horrek danak gure herriko doinuaz bete biher doguz!

Nabarmenak

Zorion agurrak