Eguen arratsaldean ireki zituen ateak Abadiñoko Eroski supermerkatuaren ondoan dagoen Burger King hanburgesategiak. Bertako arduradunen esanetan, atzo 20:00etatik aurrera (argazkiko unea) izan zituzten jende ilararik luzeenak. Hanburgesategia asteko egun denetan egongo da zabalik. Laster eskaerak ibilgailuetatik egiteko aukera eskainiko dute; horretarako azpiegitura gehienak prest daude dagoeneko.
Handik gertu, Murueta auzoko biribilgunearen ondoan, McDonald's enpresak beste hanburgesategi bat zabalduko du laster. Aurtengo udan zabaltzea gura dute.
