Trilogia honetako lehenengo bi lanetan zonbi eta banpiroekin batera karlistak eta jeltzaleak agertzen dira. Zientzialari karlista bik Zumalakarregi berpiztu gurako dute, eta egoera horretatik abiatuko da zeresan handia eman duten film labur hauen edukia.
Bideo-foruma
Martxoaren 8a dela-eta, Nahikari emakume elkarteak bideo-foruma antolatu du kultur etxean. Criadas y señoras filma da hitzordu honetan proiektatuko dutena. Filmak iradokitzen dituen gaien inguruko mahai ingurua egingo dute, ondoren. Berdintasun arloan diharduen Murbide taldeko Jaione Valdesek zuzenduko du solasaldia. Emakume elkarteko arduradunek azaldu dutenez, urtean hiru bideo-forum antolatzen dituzte; azaroaren 25ean eta maiatzean prestatzen dituzte beste zita biak.
