Durangoko Bilgune Feministak eta Durangaldeko txoko feministek antolatuta, emakumeen bizikleta martxa izango da zapatu goizean. Zaldibarren 10:30ean irtenda, hau izango da ibilbidea:
- 10:50 Berriz
- 11:40 Elorrio
- 12:10 Atxondo
- 12:40 Abadilño (Zelaieta)
- 12:55 Abadiño (Traña-Matiena)
- 13:10 Iurreta
- 13:30 Durango
Bizikleta martxa herrietara heltzen denean hamar minutuko elkarretaratzeak egingo dituzte, eta kontzentrazioetan parte hartzeko deia egin diete eskualdeko jendarte guztiari. Martxa amaitzerakoan, 'Gure gorputza, gure erabakia' bideoproiekzioa eta eskualdeko elkarretaratzea egingo dute Andra Mariko elizpean.
Elkarte feministetatik adierazi dutenez, iaz ere jai giroan egin zuten martxa espazio publikoa okupatzeko dei bat da: "Historikoki patriarkatu kapitalistak esparru pribatura kondenatu nahi izan gaitu. Horren aurrean espazio publikoa okupatzeko deialdia egiten dugu: Kaleak, palazak eta errepideak ere gureak dira!"
