Madalena auzoa garraiobideen zentroa da momentu honetan Durangon. Mende bat atzera eginda, inguru hori landa eremua zenean, Olleria legez ezaguna zen etxean bizi zen Mikel Aretxaga. 92 urtegaz, memorian garbi-garbi gorde du txikitan bizitakoa: Durangoko bonbardaketako hegazkinen zarata eta baita hilabete batzuetara bueltatzerakoan aurkitutako triskantza ere. Martxoaren 31n 88 urte beteko dira sarraski hartatik. Aretxagak ez du ahaztu gura.