Hitzaldia: 'Emakume etorkin zaintzaileak, ezinbesteko lan ikusezin hori'

2018/06/06 19:00

Iturri kultur etxea | Elorrio

Liz Quintana aktibista feminista etorriko da gaiaz berba egitera, eta berekin batera, Elorrion osasun ikastaroa egiten dabiltzan zaintzaileak izango dira. Udaleko Berdintasun sailetik ipini da martxan ikastaro hori, eskualdeko hainbat eragilerekin elkarlanean. Osasunaren inguruko formazioa jasotzeaz gain, ikastaroaren helburua herriko eragileekiko eta euren arteko harremanak hobetzea da, isolamendua saihesteko eta Elorrioko emakume migratu eta zaintzaileak ikusarazteko. (Kainaberaren hitzaldi zikloaren baitan)

Hitzaldia: 'Diru-sarrerak bermatzeko errenta: zer da, nola kudeatzen da?'

2018/05/30 19:00

Iturri kultur etxea | Elorrio

Gurean sarri entzuten ditugu kalean RGI siglekin ezagutzen dugun laguntza horri buruzko zurrumurru gaiztoak. Diru-laguntza hau emateko irizpideak eta bere kudeaketa zelakoak diren kontatuko digute Lanbideko Juan Ibarretxek eta Bizkaiko Gurutze Gorriko Maria Talaverak. Gure aurreiritziek egiatik zer duten ikusiko dugu berbaldian (Kainaberaren hitzaldi zikloaren baitan).

Hitzaldia: 'Siriako gerra, nazioarteko botereguneen erdian'

2018/05/25 19:00

Iturri kultur etxea | Elorrio

Kainaberaren hitzaldi zikloaren baitan, asko luzatzen ari den gerra horren egungo egoeraren eta nazioarteko botereguneek dituzten interesen inguruan egingo digu berba Victo Pozas irakasleak.

Hitzaldia: 'Maputxe herria, borroka eta duintasun historia'

2018/05/16 19:00

Iturri kultur etxea | Elorrio

Wallmapu Euskal Herria elkarteko kideak etorriko dira maputxeen egoerari buruz berba egitera, Kainaberako hitzaldi zikloaren barruan.

Asteazkenean maputxeen inguruko berbaldiarekin hasiko dugu aurtengo hitzaldi zikloa

Erabiltzailearen aurpegia   Gizartea

Asteazkenean maputxeen inguruko berbaldiarekin hasiko dugu aurtengo hitzaldi zikloa

Wallmapu Euskal Herria elkartekoak etorriko zaizkigu eguaztenean Elorriora. Iturrin, 19:00etan, hasiko da hitzaldia. Beste hiru hitzaldi antolatu ditugu aurten; tartean, emakume etorkin zaintzaileei buruzkoa. Elorrion ikastaro berezi bat egiten dabiltza hainbat emakume etorkin, eta euren egoera hobeto ezagutzeko aukera izango dugu ekainaren 6an.

Aurtengo kulturarteko jaia ere ederra izan da. Eskerrik asko!

Erabiltzailearen aurpegia   Kultura

Eguraldiak elizpera mugitu gintuen arren, giroa ederto berotu zen han ere. Iaz baino jende gehiago eta diru gehiago batu dugu aurtengo kulturarteko jaian. Elorrion bizi garen hamaika kulturatako lagunek jatordu gozoak prestatu genituen, eta berton batutako 3.176,20 euroak Zaporeak elkartera bideratuko ditugu, Grezian dauden errefuxiatuei jatorduak prestatzeko. Eskerrik asko, denoi!

»» Ikusi argazki guztiak (13)

Hamaika herrialdetako jakiak dastatzeko aukera egongo da domekako kulturarteko jaian

Erabiltzailearen aurpegia   Kultura

Hamaika herrialdetako jakiak dastatzeko aukera egongo da domekako kulturarteko jaian

Azken urteotan legez, Ferixa Nausikoen azken egunean Elorrio anitzagoa egiten duten kulturetako gastronomia ezagutzeko aukera edukiko dugu. Aurten, hamaika herrialdetako jana eta edana probatzeko aukera egongo da, eta bertan batutako dirua Zaporeak elkartera bideratuko dugu. Zaporeakek Grezian dauden errefuxiatuei jatorduak prestatzen egite du lan.

Kolonbiako bake prozesuarekin hasiko dugu aurtengo hitzaldi zikloa

Erabiltzailearen aurpegia   Gizartea

Kolonbiako bake prozesuarekin hasiko dugu aurtengo hitzaldi zikloa

Bariku honetan, maiatzak 12, Ivan Forero exiliatu politikoa izango da gurean, bere herriko bake prozesuari buruz berba egiten. 'Gure munduari begira' hitzaldi zikloko beste bi berbaldiak eguaztenetan izango dira.

'Gure lanaz eta kooperazioaz berbetan' mahaingurua: Caritas, Lajwad eta Kainabera

Erabiltzailearen aurpegia   Herririk herri

'Gure lanaz eta kooperazioaz berbetan' mahaingurua: Caritas, Lajwad eta Kainabera

Datorren asteazkenean, irailak 28, mahainguru berezi bat izango dugu.

'Gure lanaz eta kooperazioaz berbetan' mahaingurua: Caritas, Lajwad eta Kainabera

2016/09/28 19:00

Iturri kultur etxea | Elorrio

Datorren asteazkenean, irailak 28, mahainguru berezi bat izango dugu. Elorriotik kooperazio edo lankidetza arloan lan egiten dugun hiru elkarteko kideak elkartuko gara solasaldian: Caritas, Lajwad eta Kainabera. Asmoa elkar hobeto ezagutzea eta kooperazio munduan dauzkagun bizipenak eta gogoetak partekatzea da. Iturri kultur etxean 19:00etan izango da berbaldia.