LA VIA CAMPESINA
2017/07/22 19:00 - 19:30
Derioko SeminarioanUztailaren 16tik 24ra, VII. NAZIOARTEKO KONFERENTZIA egingo du La Via Campesina erakundeak Derion. Bertan izango gara dantzan KRISKITIN TALDEKO neska-mutilak uztailaren 22an, zapatuz. Mundu osoan 200 milloi baserritar biltzen duen erakundea da La Via Campesina eta baserritar horien 500 ordezkari batuko dira Derion; “Gure herriak elikatzen ditugu eta mugimendua eraikitzen dugu mundua aldatzeko” lelopean. Via Campesina lau urterik behin biltzen da konferentzian. Europan bilduko den bigarren aldia izango da aurtengoa. Lehen batzarra 1993. urtean egin zuten, Mons hirian (Wallonia, Belgika); azkena, 2013an, Jakartan (Indonesia). Hiri horretan du egoitza nekazari altermundialisten batasunak. Ohore handia da guretzat konferentzia garrantzitsu honetan, 5 kontinentetatik etorritako ordezkarien aurrean, dantzatzea, hortaz, geure egitekoa hainbat ondoen betetzen saiatuko gara, konferentzia antolatzaileen helburuarekin bat eginda, mundua aldatzeko ahaleginean geure aletxoa jarriz.
Dantzari-Dantza
2017-07-13 00:16
Herririk herri
La Via Campesina erakundeak Derion egingo duen VII. Nazioarteko Konferentzian DANTZARI-DANTZA eskainiko diegu bildutakoei.
AKELARREA
2017-06-22 17:01
Caritaseko boluntarioei dantzan
2017/06/17 10:30
Durangoko JesuitetanCaritaseko boluntarioak Durangon batuko dira. Urtean zehar, era batera edo bestera, Caritasi laguntzen deutsen persona guztiei eskainitako eguna izango da. Jardunaldiari hasiera emoteko eta boluntarioei ongi etorria egiteko, AGURRA dantzatuko deutsegu Jesuiten ikastetxean
Bizkaiko Dantzari Eguna
2017-05-22 13:52
Herririk herri
Trapagaranen egon ginen Bizkaiko Dantzari Egunean dantzan. Ume, gaztetxo, txistulari, guraso eta talde arduradunak pozarren igaro genuen eguna, lagunarte ederrean.
BIZKAIKO DANTZARI EGUNA
2017/05/21 00:00
TrapagaranDatorren domekan Kriskitin taldeko ume eta gaztetxoek Trapagaranen egingo den BIZKAIKO DANTZARI EGUNEAN hartuko dute parte. Antolatzaileek honako programa prestatu dute: Dantzari dantza. Gipuzkoako dantzak. Jolas dantzak. Ibarzabal – Arku dantza. Eltziegoko dantzak. Gorulariena. Jauziak. Kaxarranka eta Larrain Dantza. Durangaldeko beste hainbat taldek ere emon dute izena, hala nola; Mikel Deunak, Tronperrik, Txoritxuk, Illuntzek edota Garaiko Dantzariek. Gorulariak Larrain dantza
Txikitik handira
2017-05-02 00:32
Maiatzaren 1ean, langileen eguna ospatzeko, eguraldi ona lagun, Durangoko Herria auzo elkarteak antolatutako jaietan egin dugu dantzan, urtero lez. Txikienetatik hasi eta beteranoetara. Gustura jardun dogu lagunez inguraturik.
Langileen Egunean dantzan
2017-04-27 11:25
Kultura
Maiatzaren 1ean, langileen eguna ospatzeko, Durangoko Herria auzo elkarteak antolatutako jaietan egingo dugu dantzan, urtero lez. Hainbat belanalditako dantzariak batuko gara, gizarte globalizatu honetan ere "zer ikusi, hura ikasi" esaldiari eutsiz eta transmisioari bere garrantzia emateko asmoz.
Langileen Eguna
2017/05/01 12:30
HERRIA auzo elkartearen aurreanMaiatzaren 1ean, langileen eguna ospatzeko, Durangoko Herria auzo elkarteak antolatutako jaietan egingo dogu dantzan, urtero lez. Hainbat belanalditako dantzariak batuko gara, gizarte globalizatu honetan ere "zer ikusi, hura ikasi" esaldiari eutsiz eta transmisioari bere garrantzia emoteko asmoz. Horrez gain, dantza ikuskizun hutsa izan zen dadin, saiatuko gara plaza-dantzetan partaidetza ahalik eta zabalena lortzen. Auzotar eta hurbiltzen diren guztiak gonbidatuko ditugu elkarrekin dantzatzera, ariketa ezin hobea baita dantzatzea. Ospatu dezagun langileen eguna.
Martxoak 31
2017/03/31 20:00-21:00
Andra Mariko elizpea | DurangoMartxoaren 31. Durangoko bonbardaketan hildakoak izango ditugu gogoan eta dantza bidez omenduko ditugu. Aurten 17. aldia izango da. 2001ean hasi ginen, Gerediaga elkarteak gonbidaturik eta harrezkero, ez dugu hutsik egin. Izan be, memoria dugu lotura: "baziren, bagara, memoria dugu lotura". Ezin ahaztu 281 bonba, 205 etxe hondatuta eta 336 hildako eragin zituen udaberri anker hartako martxoaren 31.
LILAKROSA
2017/03/05 12:00
Ezkurdi | DurangoKriskitin taldeko dantzari, dantzazale eta laguntzaileok Durangoko LILAKROSean izango gara datorren domekan. 12:00 etan hasiko da Ezkurdin berdintasunaren aldeko XII. ibilbidea. Guk Landako etorbidean hartuko dugu lekukoa. Aurten PATRI GONZALEZ izango da gure ordezkaria, berak eramango du lekukoa. Dantzariok ere berdintasunaren alde.
Ganbaran dantzari
2016/12/05 18:00 - 18:30
Azokako Sagu GanbaranKriskitin taldeko gaztetxoek Azokako Sagu Ganbaran egingo dute dantzan. Aurten lehen aldiz.
Plazara Dantzara
2016/12/03 12:00 - 14:00
Durangoko Kale eta PlazetanAurreko urtean lez, abenduaren 3an, zapatu eguerdian Kriskitineko dantzari eta musikariok Durangoko kale eta plazak alaitzen jardungo dogu, txistularien musika hotsean; Andra Mari, Landako, Ezkurdi eta Alde Zaharrean zehar ibiliko gara. Egitarau zabala ari gara prestatzen: Durangoko PLATILLU SOÑUA (1999an Kriskitinek berreskuratutako dantza) Durangaldeko DANTZARI DANTZA Gipuzkoako UZTAI TXIKIAK FANDANGO ETA ARIÑ-ARIÑA INGURUTXOA Jauziak: EGI, MARIANAK, OSTALERTSA
Plazara Dantzara
2016-11-17 09:10
Herririk herri
Plazara Dantzara
2016-11-17 09:10
Txupinazo Txikian dantzari
2016/10/16 12:30 - 13:00
Durangoko Udaletxe aurrean DurangoKriskitin taldeko harrobiko dantzaritxoek Durangoko Udaletxe aurrean saioa eskainiko dabe, La Cuadri del Hospik jaurtiko duen Txupinazo Txikian. Gora Fandango. Gora Durango
DURANGOKO DANTZARIAK
2016-10-14 16:20
Platillu soñua
2016-10-13 10:25
Herririk herri
Aurreko urteetan lez, Durangoko Dantzariok 1999. urtean berreskuratutako "Platillu Soñua" dantzatuko dogu Udaletxe Plazan.
PLATILLU SOÑUA
2016/10/13 00:00
Durangoko Udaletxe PlazanAurreko urteetan lez, Durangoko Dantzariok 1999. urtean berreskuratutako "Platillu Soñua" dantzatuko dogu Udaletxe Plazan. Alexander von Humboldt bidaiari eta ikertzaile prusiarrak 1801. urtean Euskal Herrira eta Durangaldera egindako bidaian Durangon ikusi zituen dantzen deskribaketei jarraituz egindako berreskurapena. Horrez gain Agintariena, Banangoa, Binangoa eta Txontxongiloa dantzatuko ditugu. Saioa amaitzeko berriz, Erregelak, hauek ere Alexander von Humboldten deskribaketa kontuan izanik.
Larrain Dantza
2016/09/19 19:30 - 20:30
Durangoko Merkatu Plaza (atzeko gunean)Hasi gara Plaza Dantzak ikasten edo errepasetan. Berba bitan esanda: "dantzan gozetan". Dana dalakoagaittik lehen ensaioetara etortzerik izan ez badozu, lasai. Hemendik eta Durangoko jaiak arte astelehenero LARRAIN DANTZA ikasten saiatuko gara. Jai ostean barriz, gura izanez gero, Jauziak, Fandangoa, Ariñ;-Ariña, Lantzeko Karnabaletako dantzak...ikasten jarraituko dogu. Merkatu plaza osteko gunean dira ensaioak. Ez dozu kuotarik ordaindu behar, doan egin ahal dozu dantzan gugaz. Atea zabalik, parez pare. Erdu. Informazio zabalagoa gura izanez gero Miren Zamakonarekin kontaktatu 658861869.
