Europako Radical Masters txapelketako hirugarren proba gaur amaituko du pilotu abadiñarrak.
Herbehereetan sekula ez da lasterketarik lehiatzen igandeetan. Horregatik Igor Urienek larunbatean lehiatu zuen Europa Radical Masters-ari dagokion hirugarren probako lehenengo lasterketa eta gaur ari da korritzen bigarrena.
Larunbatean bigarren amaitu eta orain arteko posturik onena lortu zuen. ‘Pole position’-erako lehian bigarren sailkatu zen. Lasterketan lider ere ipini zen itzuli batzuetan eta box-etara sartu zenean bakarrik aurreratu zuten. Urienek gainerako pilotuek baino 10 segundo gehiagoko ‘handicap’-a egin behar izan zuen Espainiako Prototipoen Openeko txapelduna delako.
Azkenik, bigarren postuan zeharkatu zuen helmuga, Kronegard irabazlearengandik 5.7 segundora. Hirugarren sailkatuari ia hamar segundoko aldea atera zion: “Pena da ezin irabazi izana handicapa dela-eta, baina oso pozik nago. Asteburua ona izan da eta ea gaur beste podium bat lortzen dugun”, adierazi du Urienek.
