"Kontzientzia antifaxista pizteko" helburuagaz manifestazio bi egingo ditu GKS erakundeak urtarrilaren 31n, Bilbon eta Iruñean. Asteburuan aurkezpen bi egin dituzte Durangaldean: barikuan Durangoko gaztetxean eta zapatuan Elorrioko Ateneon. Manifestazioen aurretik, ekimen gehiago egingo dutela iragarri dute. Adibidez, urtarrilaren 23an "faxismoari buruzko hitzaldia" eskainiko du Durangaldeko Kontseilu Sozialistak Durangoko San Agustin kulturgunean, 18:30ean. Zornotzan eta Abadiñon ere aurkezpenak egingo dituztela azaldu dute, baita ere.

AEBek Venezuelan bart egindako “eraso militar inperialista” salatzeko argazkia atera dute gaur Durangon. Bihar Bilbon “Venezuelaren burujabetzaren alde” Hegoak plataformak deitu duen mobilizaziora joateko deialdia egin dute, baita ere. Ezkurdiko tren geltokian egin dute hitzordua, 11:40eako trena elkarregaz hartzeko.