Mas Curvas-ek hirugarren urteurrena ospatuko du

Zapatuan, besteak beste, Arteako Eco Museoa bisitatuko dute. Durangoko Mas Curvas motorzaleen elkarteak hirugarren urteurrena ospatuko du zapatuan. 10:30ean, izen-ematea amaitu bezain laster (6 euro), Arteako Eco Museora bisita egingo dute; bisita gidatuaren ondoren, luntxa egongo da. 14:00etan bazkaria egingo dute (paella eta postrea). gehienez 200 lagunetara mugatu dute bazkari hori. Ondoren, arratsaldean, 16:00etatik aurrera, prdu biko ibilbidea egingo dute motor gainean. Ibilbidetik bueltan, ospakizunei amaiera emateko, jai bat antolatu dute. Musika kontzertuak egongo dira, eta baita jan-edana ere barbakoa batekin. Oparien zozketak ere egingo dituzte.