Zornotzak maila horretan aritzeko eskaera egin zuen eta betebehar guztiak ondo eta garaiz bete dituela segurtatu ostean, federazioak eskaera onartu du, klubak bere webgunean informatu duenez. 24 taldek osatuko dute Zilarrezko Liga eta multzo bitan banatuko da. Zornotza mendebaldeko multzoan egongo da, besteak beste, Iraurgi eta Basket Navarra taldeekin batera.
Zornotza kategoria bat beherago aritu da aurten, EBA mailan. Igoera fasea jokatu arren, ezin izan zuen azkenengo koska gainditu, Menorkaren aurka.