Eguen honetan, 12:00etan, lau zornotzar epaituko dituzte Durangoko epaitegian, orain urte bi Luis Urrengoetxeako lokal bat okupatzeagatik. Okupatu eta berehala lokalaren jabeak zigor-arloko salaketa jarri zuen. Ondoren, bide zibiletik beste salaketa bat jarri zuen lau zornotzarren kontra eta lokala utzaraztea eskatu zuen, Ziztada Guneko kideek ohar batean azaldu dutenez.
Horregatik, epaiketa salatzeko eta Ziztada Gunearen alde egiteko elkarretaratzea deitu dute eguaztenean, 19:00etan, Erreferendum Plazan (Billikenen ondoan).
Lokala okupatu zutenetik hainbat jarduera egin dituzte bertan eta kultura alternatiborako espazioa autogestionatua bihurtu dadin lanean aritu dira.
