Zaldibarko Olazar pilota txapelketako antolatzaileek zuzeneko emankizunak egiten dituzte eguenero. Youtube-n ez ezik, ANBOTOren webgunean ere jarraitu ahalko dira emankizunak. Koldo Aldalur kazetari ezaguna izan ohi da esataria (gaur Aritz Gallastegi kazetaria ariko da) eta Enrike Agirrebeitia komentarista.
Joan zen asteko finalerdia
Joan zen astean finalerdi bi jokatu ziren. Emakumeen lau eta erdikoan Arrizabalagak 22-8 irabazi zion Garairi eta finalerako sailkatu zen. Binaka eta gizonetan, De la Fuentek eta Aldabek 22-15 menderatu zuten orain urte bi Olazar txapelketa irabazitako Mata-Irurita bikotea. Ondorioz, De La Fuente eta Aldabe sailkatu ziren finalera.
Gizonen lau eta erdiko finalerdiak orain aste bi jokatu ziren. Zubizarretak 22-8 menderatu zuen Irribarria eta Ariztegik 22-16 irabazi zion Egigureni. Ondorioz, Zubizarretak eta Ariztegik jokatuko dute finala.
Olazar txapelketako finalak abenduaren 31n, 16:00etan, hasiko dira.