Zaldibarko Olazar pilota txapelketako antolatzaileek zuzeneko emankizunak egiten dituzte eguenero. Youtube-n ez ezik, ANBOTOren webgunean ere jarraitu ahalko dira emankizunak. Koldo Aldalur kazetari ezaguna izan ohi da esataria (gaur Aritz Gallastegi kazetaria ariko da) eta Enrike Agirrebeitia komentarista.
Joan zen asteko jardunaldia
Joan zen asteko jardunaldian, Ariztegik 22-11 irabazi zion Aranbarriri. Ariztegi 10-1 aurreratu zen eta partidu amaierara arte aldeari eutsi zion. Binaka, De la Fuentek eta Aldabek 22-8 menderatu zituzten Senar eta Oliden. Kasu honetan ere irabazleak jaun eta jabe izan ziren hasiera-hasieratik.