Zaldibarko Olazar pilota txapelketako antolatzaileek zuzeneko emankizunak egiten dituzte eguenero. Youtube-n ez ezik, ANBOTOren webgunean ere jarraitu ahalko dira emankizunak. Koldo Aldalur kazetari ezaguna izan ohi da esataria (gaur Aritz Gallastegi kazetaria ariko da) eta Enrike Agirrebeitia komentarista.
Joan zen asteko jardunaldia
Joan zen asteko jardunaldian, Amianok 22-18 irabazi zion Altunari. Hasieran, Altuna aurretik joan zen (3-5). Ondoren, Amianok partiduari buelta eman zion (13-8) eta hortik amaierara aldeari eustea lortu zuen.
Binaka, Muruak eta Eskuzak 22-17 menderatu zituzten De la Fuente eta Lazkoz. Partiduko gakoa hasieran egon zen, irabazleek alde handia hartu zuten eta: 10-2.