Zaldibarko Olazar pilota txapelketako antolatzaileek zuzeneko emankizunak egiten dituzte eguenero. Youtube-n ez ezik, ANBOTOren webgunean ere jarraitu ahalko dira emankizunak. Koldo Aldalur kazetari ezaguna izango da esataria eta Enrike Agirrebeitia komentarista.
Seigarren jardunaldia
Joan zen asteko jardunaldian, Kortazarrek 22-14 irabazi zion Rekalderi. Hasiera parekatuaren ostean (8-7), Kortazarrek 10-1eko partziala lortu eta partidua hautsi zuen.
Binaka, Etxanizek eta Lozak 22-15 menderatu zituzten A.Etxebarria eta Ibarloza. Kasu honetan ere berdinduta ibili ziren partidu erdira arte (10-11) eta bigarren zatian hobeto aritu ziren irabazleak.