Etxegibel: “Zuzendaritzako kide bat izan zen gure lehenengo entrenatzailea”

Emi Mendez, Ines Etxegibel eta Goretti Etxegibel emakumezko taldearen sortzaileetakoak eta lehenengo taldeko partaideak izan ziren. 1989. urtean sortu zuten taldea. Gernikak eta Gaztedik emakumeen taldeak zituzten, eta Emi Mendezek, 14 urteko neskatoak, proposamena bota zuen bere lagunartean: “Zergatik ez dugu emakumeen talde  bat sortzen?”.

Durango Rugby Taldeak urte bi zituen, sorrerako egiturak oraindino erabat sendotu barik zeuden eta denek ez zuten egoki ikusten emakumeen taldea orduan sortzea, proiektua bera egonkortu barik zegoenean. Beraz, aurrelan bat egin zuten zuzendaritzakoak konbentzitzeko. Mendez emakume bila hasi zen, Durangoko koadrilarik koadrila, errugbi taldea sortzeko. “Temati aritu nintzen, ikastetxeetan honi galdetu, besteari proposatu… ”, gogoratu du. “Sasoi hartan hori egin izanaren garrantzia nabarmendu behar da”, gehitu du Ines Etxegibelek. 30 bat neska batuta, zuzendaritzara jo zuen berriro, eta bozketan baiezkoa nagusitu zen, gehiengoz. “Babestu gintuztela da garrantzitsuena. Gainera, orduko zuzendaritzako kidea zen Txusmen [Jose Ignacio Azurmendi] izan zen gure lehenengo entrenatzailea”, azaldu du Ines Etxegibelek.

Goretti Etxegibel Madrilen ikasten zebilela hasi zen errugbian. “Durangora bueltatu eta emakumeen talde bat sortzen zebiltzala jakitean ezin nuen sinetsi. Madrilen bai, baina Durangon eta 1989an? Itzela zen”. Belaunetaraino heltzen zitzaizkien mutilen kamisetekin entrenatzen ziren, Bereziganen eta inguruko ikastetxeetan, orduan ez zegoen-eta errugbi-zelairik.

Ines Etxegibelek ibilbide oparoa eta arrakastatsua izan zuen errugbian, eta gaur egun Uribarri Barrutieta haren pausoei jarritzen dabil. DRT-tik irtenda Getxon jokatzen dabil, eta Espainiako selekzioagaz munduan zehar ere bai. “DRTn hezi naiz. Han ezagututako lagunak eta jasotako baloiak, errespetua, taldearen garrantzia… betiko izango ditut nigaz”, dio durangar gazteak.

Erlazionatuak

DRT, 30 urte egin dituen familia

Durango

Durango Rugby Taldeak egun osoko jaia antolatu du zapatuan. Goizetik iluntzera Arripausueta zelaian batuko dira askotariko ekintza eta partidurekin...
Uribe: “Baloirik ez entrenatzeko, eta pase imaginarioak ematen genituen”

Durango

Durango Rugby Taldea 1986-87 denboraldian sortu zuten. Elorrion bazegoen taldea ordurako, eta han zebiltzan durangar batzuk hasi ziren kontua mugit...
“Errugbi eskola funtsezkoa da; erein barik ez da uztarik jasotzen”

Durango

Etxeko jokalariekin hornitzen den klub batean berebiziko garrantzia dauka harrobiak. Horregatik, mimo bereziagaz zaintzen dute Bambino Rugby Eskola...
Gomez: “Harremanei eustea da helburua, baina irabazteko grina ere badugu”

Durango

DRT adin tarte guztiak barneratzen dituen familia handi bat da. Beteranoak ere bai. 2011n sortu zuten Sapuzaharrak taldea. Gaur egun 35 bat kide di...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.