Legutio inguruan gazte berriztarraren bila jarraitzen dute

Legutio inguruan gazte berriztarraren bila jarraitzen dute

Zapatutik desagertuta dagoen 19 urteko berriztarraren bila jarraitzen du Ertzaintzak. Gaur, Urrunagako urtegian eta Legutio inguruan dihardute lanean. 

Lau egunez Gorbeia mendian bila ibili eta gero, gaztearen bilaketan aldaketa nabarmena gertatu zen atzo. Ertzaintzak azaldu zuenez, gaztearen dokumentazioa aurkitu zuten Legution. Horrela, ikerketa poliziala abiatu zuten Urrunagako urtegian eta Legutio inguruan. Gaur goizean ere, inguru horretan ekin diote bilaketari. Urpekariak urtegia arakatzen ari dira. Ertzaintzak dioenez, "hipotesi guztiak zabalik daude".

Zapatutik bila

Zapatu arratsaldean gazte talde bat Gorbeia mendira abiatu zen. Igoeran, desagertuta dagoen berriztarra txarto sentitu zen, eta buelta ematea erabaki zuen, Ertzaintzak azaldu duenez. Lagunak kotxeetara itzultzerakoan gaztea falta zela ohartu ziren. Harrezkero, bere bila dabiltza Gorbea inguruan. Lau egunez Gorbeiako bilaketan larrialdi zerbitzuetako profesionalek eta boluntarioek parte hartu zuten. 

Urtarrilaren 2an, 1.000 lagun inguru aritu ziren, goizean, Gorbeian desagertutatako gazte berriztarraren bila. Boluntarioak hamarreko taldeetan banatuta hainbat zonalde aztertu zituzten gaztearen bila. Goizean egindako lanaren ostean, boluntario gehienak Gopegiko frontoira itzuli ziren gaztea aurkitu barik. Frontoian, inguruko bizilagunek janaria eta edari beroa prestatu zuten. Larrialdi zerbitzuek boluntarioen lana eskertu zuten, eta pertsona gehiago ez gerturatzeko eskatu zuten, koordinaziorako arazoak izan zitzaketelakoan. Hurrengo egunerako, eskarmentudun mendizaleen laguntza eskatu zuten. Berrizko Udalak eta baita familiak ere boluntario hauen laguntza eskertu zuten.

 
Erlazionatuak

Gorbeiako bilaketa bertan behera utzi dute, parketik kanpo ikerketarako zantzuak aurkitu eta gero

Berriz

Berrizko Udal iturriek eta larrialdi zerbitzuek baieztatu dutenez, bertan behera gelditu da zapatutik Gorbeian desagertutako gazte berriztarraren b...
Laugarren egunez gazte berriztarraren bila dabiltza Gorbeian

Berriz

Larrialdi zerbitzuek eta boluntarioek zapatutik Gorbeian desagertuta dagoen gazte berriztarraren bilaketari ekin diote, 07:45ean. 
Mendian eskarmentua duten mendizaleen laguntza eskatu dute Gorbean desagertutako gazte berriztarraren bila jarraitzeko

Berriz

Batez ere mendian eskarmentua duten bolondresak behar dituzte beste talde tekniko batzuekin elkarlanean aritzeko. Hitzordua jarri dute biharko, urt...
1.000 lagun aritu dira Gorbeian desagertutako gazte berriztarraren bila

Berriz

1.000 lagun inguru aritu dira, gaur goizean, Gorbeian desagertuta dagoen gazte berriztarraren bila. Boluntarioak hamarreko taldeetan banatuta hainb...